मी नंदेशनाथ - २३

संकल्प शक्ती हि खूप मोठी आहे. कुठल्याही गोष्टीची पूर्णता संकल्पात आहे. परंतु संकल्प घेताना तो आपल्याकडून पूर्ण होईल कि नाही याची काळजी जसा भगवंत करत असतो तशी आपल्याला हि हवीच. कारण जल,अग्नी साक्षी ठेऊन ठराविक कार्यासाठी आपण जीवनशैलीत बदल करून एका गोष्टीकडे मन एकाग्र करण्याचा प्रयत्न करणार असतो.

आपण हा प्रयत्न करणार आणि त्यात अशुभ शक्ती आडवी येणार नाही आस होऊ शकत नाही त्यासाठी आपल्या मनाची ध्रुढता महत्वाची आहे. अनेक साधकांना संकल्प कसा घ्यावा याचे ज्ञान नसते आणि ते घेण्याचे ते कष्ट देखील घेत नाहीत.

साधारणपणे संकल्प घेताना आपले गोत्र-नाव यांचा उच्चार महत्वाचा आहे. त्यानंतर आपण कुठे बसून हा संकल्प घेत आहोत याचा देखील उच्चार करावा. आजचे नक्षत्र-वार-करण-तिथी-चंद्र राशी-सूर्य राशी याचे ज्ञान असणे आवश्यक आहे परंतु जर आपल्याला ते माहित नसेल तर आपण त्याऐवजी आपल्या आराध्याचे नाव घेऊन संकल्प पूर्ण करू शकतो.

संकल्प घेताना तो कोणत्या कार्यासाठी घेत आहोत ते देखील महत्वाचे आहे शक्यतो दुसऱ्यासाठी संकल्प आपण घेऊ नये कारण त्या व्यक्तीने ते कार्य पूर्ण केले नाही तर आपण ते कार्य पूर्ण करण्याचे उत्तराधिकारी ठरतो. संकल्पात खूप काही मागू नये आराध्य देवतेचा आशीर्वाद मिळावा इतके करून पाणी सोडून द्यावे.

खूप लोकांचे संकल्प घेऊन ते पूर्ण झालेले नसतात त्यात काही अडथळा येऊन मार्गक्रमण पुढे होत नाही तेव्हा संकल्प करताना आधी पितृदेवतांचे तर्पण करावे त्यामुळे पितृदेवतांची पूर्ण साथ आपल्याला मिळते. कुलदेवतेला मनोभावे पूर्ण निष्ठेने नमन  करून संकल्पास सुरवात करावी.    

एकदम २१,४१ दिवसांचे संकल्प करून जर ते पूर्ण होत नसतील तर आधी ३ दिवसांचे मग ११ दिवसांचे मग २१ दिवसांचे आणि त्यानंतर ४१ दिवसांचे संकल्प करावे. संकल्प करून जर मधेच साधना सेवा खंडित होत असेल तर परत पहिल्या पासून सुरवात करावी त्याआधी समजून घ्यावे कि साधना दैवत आपली परीक्षा घेत आहे.


मी नंदेशनाथ - २२ साठी येथे click करा.

मी नंदेशनाथ - २१ साठी येथे click करा.

मी नंदेशनाथ - २० साठी येथे click करा

मी नंदेशनाथ - १९ साठी येथे click करा.

मी नंदेशनाथ - १८ साठी येते click करा.

मी नंदेशनाथ - १७ साठी येथे click करा.