मनातले विचार आणि त्यांचा प्रभाव

मनाचे काम हे विचार करणे आहे. आपण केलेला विचार आणि त्याचा आपल्यावर प्रभाव याचा नक्कीच खूप जवळचा संबंध आहे... जसा आपण विचार करतो तसे आपल्याभोवती स्पंदने निर्माण होतात.. 

उदा. एखाद्या धार्मिक कार्यक्रमाच्या वेळी आपले मन तसा विचार करत असल्याने तशी स्पंदने निर्माण होऊन आपल्याला त्याची अनुभूती सुद्धा येते.

आपले विचार हे आपल्या भोवती स्पंदने निर्माण करण्याची शक्ति ठेवतात.. म्हणून आपल्याला कायम सांगितले जाते की अवघड परिस्थिती आली तरी सकारात्मक विचार करा.. तशी सकारात्मक स्पंदने ही परिस्थिती बदलण्यासाठी उपयुक्त ठरू शकतात. 

याउलट नकारात्मक विचार हे विपरीत शक्तींना आमंत्रित करत असल्याने त्यातून काही चांगल्या गोष्टी घडण्याचे प्रमाण कमी असते.. 

सकारात्मक विचार हे कोणालाही जीवनात यशस्वी करण्या कामी सहाय्य करतात. अवघड गोष्टीं साठी प्रयत्न करण्याची ऊर्जा देतात.. जितकेपण वैज्ञानिक शोध झालेत ते सकारात्मक प्रयत्न आणि सकारात्मक विचार करून कार्यप्राप्ती साठी कष्ट केल्याने झालेत.. अध्यात्मात जी जी साधना आपण करतो त्यातील मंत्र हे त्या दैवताचा विचार करण्यासाठी असतात.. त्यातून ती आपल्यासाठी कार्य करते.. म्हणून आपल्याला सांगितले जाते की  सकारात्मक विचार करा.. आपले मन हे सर्व प्रकारची विचार निर्मिती करते.. त्यामुळे आपल्याला सांगितले जाते की आपले मन हे आराध्याला अर्पण करा.. म्हणजे त्यातून आपले विचार कमी होतील व केवळ आराध्य निर्मित निर्मळ स्पंदने आपल्या भोवती तयार होतील.. सद्गुरुंचे निरंतर सान्निध्य पासून  ब्रह्मांड भेदन पर्यंत अनेक गोष्टी या मन व त्यातील विचार सद्गुरूंना दान केल्याने शक्य आहेत. पण याचा सुद्धा फार थोडा अभ्यास केला गेला आहे. 

वाईट बुद्धीचे तांत्रिक लोक हे बरेचदा आपले विचार ताब्यात घेण्याची क्षमता ठेवतात व त्यातील चांगली स्पंदने आकर्षित करून त्याची शक्ती त्यांच्या कामी वापरतात.. विचार हे एक शस्त्र आहे असं समजले तरी काही हरकत नाही तसेच विचार ही एक ढाल सुद्धा आहे.. मग ते आपण कसे वापरावे ते आपल्या हातात आहे. मनी वसे ते स्वप्नी दिसे.. काही स्वप्ने ही संकेत म्हणून पण येतात तर हे चक्र मनात तयार होते व सत्यात सुद्धा अवतरते. मन तारक असते तसेच मारक सुद्धा असते.. 

विचारपूर्वक विचार करा म्हणजे कृतीत दिसेल.

Pkul